جگر مراد آبادی

ہائے وہ کیونکر دل بہلائے
غم بھی جس کو راس نہ آئے

زہرا نگاہ

جن باتوں کو سننا تک بارِ خاطر تھا
آج انہیں باتوں سے دل بہلائے ہوئے ہوں

احمد راہی

کون ہوتا ہے کسی کا شب تنہائی میں
غم فرقت ہی غم عشق کو بہلائے گا

حفیظ ہوشیارپوری

نہیں پیام رہ نامہ و پیام تو ہے
ابھی صبا سے کہو ان کے دل کو بہلائے

شاد عظیم آبادی

اور بھی تڑپا دیا غم خوار نے
خود ہے وحشی کیا مجھے بہلائے گا
دل کے ہاتھوں روح اگر گھبرا گئی
کون اس وحشی کو پھر بہلائے گا

قتیل شفائی

تو نہ ہو گی تو پھر اے شامِ فراق
کون آ کر ہمیں بہلائے گا
اس کے وعدوں میں قتیلؔ اک حسن اک رعنائی ہے
وہ نہ ہو گا جب تو اس سا مجھ کو بہلائے گا کون

مجروح سلطان پوری

سیر ساحل کر چکے اے موج ساحل سر نہ مار
تجھ سے کیا بہلیں گے طوفانوں کے بہلائے ہوئے