جگر مراد آبادی

مزے سوزِ دروں کے مل رہے ہیں
بحمد للہ کہ دل آتش بجاں ہے

سراج الدین ظفر

اب یہ احساس کا عالم ہے کہ شاید کسی رات
نفس سرد سے بھی شعلہ بجاں ہو جاؤں

سیماب اکبر آبادی

حجاب اندر حجاب امواج طوفان تجلی ہیں
فروغِ شمع سے پروانہ ہے آتش بجاں پھر بھی

فراق گورکھپوری

غم ترا جلوہ گہہ کون و مکاں ہے کہ جو تھا
یعنی انسان وہی شعلہ بجاں ہے کہ جو تھا

محسن احسان

بہت دنوں سے تھی مدھم چراغ درد کی لو
خود اپنی آنچ سے شعلہ بجاں ہوا ہے یہ دل