مرزا غالب

جب کرم رخصتِ بیباکی و گستاخی دے
کوئی تقصیر بجز خجلتِ تقصیر نہیں

بہادر شاہ ظفر

جو دل سے ادھر جائے نظر دل ہو گرفتار
مجرم ہو کوئی اور ہو تقصیر کسی کی

مصحفی غلام ہمدانی

عفو پر عفو کی ریزش ہے ادھر سے ہر دم
اور میں تقصیر پہ تقصیر کیے جاتا ہوں
تہمت لگے گی پاس بٹھانے سے فائدہ
ناحق نہ مجھ کو مورد تقصیر وصل کر
آگو کی طرح آپ جو اب بولتے نہیں
کیا جانے ایسی ہم سے وہ تقصیر کیا ہوئی

مصطفٰیٰ خان شیفتہ

کون بے جرم ہے جو شائقِ تعزیر نہیں
شوقِ تعزیر سے تو حسرتِ تقصیر نہ کھینچ

مرزا رفیع سودا

کرتا ہے کس گنہ پہ عقوبت ہمیں تو یار
تعزیر کے تو واسطے تقصیر شرط ہے

یگانہ چنگیزی

دستِ دعا تک اٹھ نہ سکے فرط شرم سے
یا رب کسی سے ایسی بھی تقصیر ہو نہ جائے

عبدالحمید عدم

گناہ جرأت تدبیر کر رہا ہوں میں
یہ کس قماش کی تقصیر کر رہا ہوں میں

عرفان صدیقی

اس درد کے قاتل منظر کو الزام نہ دو
یہ تو دیکھنے والی آنکھوں کی تقصیر ہوئی