مرزا غالب

میں چمن میں کیا گیا گویا دبستاں کھل گیا
بلبلیں سن کر مرے نالے غزل خواں ہو گئیں
پڑیے گر بیمار تو کوئی نہ ہو بیمار دار
اور اگر مر جائیے تو نوحہ خواں کوئی نہ ہو

بہادر شاہ ظفر

یہ قصہ وہ نہیں تم جس کو قصہ خواں سے سنو
مرے فسانۂِ غم کو مری زباں سے سنو

داغ دہلوی

سن کے مرا فسانہ انہیں لطف آ گیا
سنتا ہوں اب کہ روز طلب قصہ خواں کی ہے

مصحفی غلام ہمدانی

انجمن میں میاں بشارت کی
یعنی اک شخص شعر خواں بھی تھا
مصحفیؔ شاعری رہی ہے کہاں
اب تو مجلس کے روضہ خواں ہیں ہم

مصطفٰی خان شیفتہ

وہاں صوتِ مینا و آواز ساز
خوش آہنگیِ مرغِ شب خواں عبث

فیض احمد فیض

غم بہ دل، شکر بہ لب، مست و غزل خواں چلیے
جب تلک ساتھ ترے عمرِ گریزاں چلیے

باقی صدیقی

وہیں سمجھو ہماری داستاں ختم
جہاں کر دے کوئی افسانہ خواں ختم
کچھ تو کج رو جہاں بھی ہے باقیؔ
اور کچھ ہم بھی قصہ خواں ٹھہرے

جون ایلیا

صد یاد یاد جونؔ وہ ہنگام دل کہ جب
ہم ایک گام کے نہ تھے پر ہفت خواں کے تھے
نوحہ خوانی ہے کیا ضرور انہیں
ان کے نغمے ہیں نوحہ خواں ان کے

شکیب جلالی

یوں ہی تو نہیں امڈی چلی آتی ہیں غزلیں
پہلو میں مرے ، زمزمہ خواں ہیں تری آنکھیں

اسرار الحق مجاز

آؤ اب مل کے گلستاں کو گلستاں کر دیں
ہر گل و لالہ کو رقصاں و غزل خواں کر دیں

بیخود بدایونی

کیوں مرا حال قصہ خواں سے سنو
یہ کہانی مری زباں سے سنو
چھپ گیا ہے فسانۂ بیخودؔ
کبھی تم بھی تو قصہ خواں سے سنو

عبید اللہ علیم

پا بہ زنجیر سہی زمزمہ خواں ہیں ہم لوگ
محفل وقت تری روحِ رواں ہیں ہم لوگ

احمد راہی

گلا نہیں تجھ سے زندگی کے وہ زاویے ہی بدل چکے ہیں
مری وفا وہ ترے تغافل کی نوحہ خواں تھک کے سو گئی ہے

تلوک چند محروم

باعث حیرت ارباب سخن ہے محرومؔ
عہدِ پیری میں تمہارا یہ غزل خواں ہونا

حفیظ ہوشیارپوری

کوئی بھی غم ہو غمِ دل کہ غمِ دہر حفیظؔ
ہم بہ ہر حال بہ ہر رنگ غزل خواں ہوں گے

سید ضمیر جعفری

ہم اگر دشتِ جنوں میں نہ غزل خواں ہوتے
شہر ہوتے بھی تو آواز کے زنداں ہوتے

شبلی نعمانی

یاد رکھنا دوستو اس بزم میں
آ کے شبلیؔ بھی غزل خواں رہ گیا

اختر ہوشیارپوری

سفر آساں نہیں حرف و قلم کا
ہمیں طے ہفت خواں کرنا پڑا ہے

قابل اجمیری

غم چھیڑتا ہے ساز رگِ جاں کبھی کبھی
ہوتی ہے کائنات غزل خواں کبھی کبھی

کلیم عاجز

حیف کیوں قسمت شاعر پہ نہ آئے عاجزؔ
کل بھی کمبخت رہا مرثیہ خواں آج بھی ہے

مجروح سلطان پوری

اب کھل کے کہوں گا ہر غمِ دل مجروحؔ نہیں وہ وقت کہ جب
اشکوں میں سنانا تھا مجھ کو آہوں میں غزل خواں ہونا تھا
منتظر ہیں پھر میرے حادثے زمانے کے
پھر مرا جنوں تیری بزم میں غزل خواں ہے

محسن نقوی

ایک میں اپنی ہی زندگی کا بھرم
اپنی ہی موت پر نوحہ خواں ایک میں