قمر جلالوی

دلِ مضطرب تو اس محفل میں نالے ضبط کر لے گا
مگر اے چشمِ گریاں تو بہت بے آبرو ہو گی
نہ ملتی خاک میں دامن سے گر کے یوں شبنم
چمن کے پھول اگر پاس آبرو کرتے

عرفان صدیقی

تو شانِ شعلہ گراں‘ میں نشانِ سوختگان
ہیں اپنے اپنے قبیلے کی آبرو ہم لوگ

اختر شیرانی

انہیں مفر نہ تھا اقرار عشق سے لیکن
حیا کو ضد تھی کہ وہ پاس آبرو کرتے

فارغ بخاری

میں سوچتا ہوں جئیں بھی تو کس لیے فارغؔ
کہ اب تو شہر میں پہلی سی آبرو بھی نہیں

اکبر حمیدی

کہا تھا اس نے محبت کی آبرو رکھنا
چبھے ہوں کتنے بھی کانٹے گلوں کی خو رکھنا

احمد فراز

چپ چاپ اپنی آگ میں جلتے رہو فرازؔ
دنیا تو عرضِ حال سے بے آبرو کرے

محسن نقوی

مسافت شبِ ہجراں کے بعد بھید کھلا
ہوا دکھی ہے چراغوں کی آبرو کر کے

ناصر کاظمی

جلوہ ساماں ہے رنگ و بو ہم سے
اس چمن کی ہے آبرو ہم سے