مرزا غالب

خزینہ دارِ محبت ہوی ہوائے چمن
بنائے خندۂِ عشرت ہے بر بنائے چمن
نکتہ چیں ہے ، غمِ دل اس کو سنائے نہ بنے
کیا بنے بات ، جہاں بات بنائے نہ بنے
بوجھ وہ سر سے گرا ہے کہ اٹھائے نہ اٹھے
کام وہ آن پڑا ہے کہ بنائے نہ بنے
کلفتِ افسردگی کو عیشِ بے تابی حرام
ورنہ دنداں درِ دل افشردن بنائے خندہ ہے

میر مہدی مجروح

خیر ہو ہیں بگاڑ کے آثار
کچھ وہ منہ کو بنائے بیٹھے ہیں
لاابالی خرام ہے مجروحؔ
وضع کیسی بنائے بیٹھے ہیں

رئیس فروغؔ

وہ نہ تھا آج اس کے آنچل میں
اک دھواں صورتیں بنائے گیا
سخت برہم تھیں ہوائیں پھر بھی
ریت پر پھول بنائے میں نے
جب سمندر میں تلا طم نہ رہا
اپنے گرداب بنائے میں نے

احسان دانش

چمن میں فرصت و تسکیں ہے موت کا پیغام
سکوں پسند نہ کر آشیاں بنائے جا

اسرار الحق مجاز

سینے میں ان کے جلوے چھپائے ہوئے تو ہیں
ہم اپنے دل کو طور بنائے ہوئے تو ہیں

عبید اللہ علیم

تیرے ہی رنگ اترتے چلے جائیں مجھ میں
خود کو لکھوں تری تصویر بنائے جاؤں

علی سردار جعفری

دست فطرت کے تراشے ہوئے دو برگِ گلاب
دل کے ٹوٹے ہوئے ٹکڑوں کو بنائے ہوئے ہونٹ

سیماب اکبر آبادی

سمجھ حقیر نہ ان زندگی کے لمحوں کو
ارے انہیں سے زمانے بنائے جاتے ہیں

شکیل بدایونی

دل چیز کیا ہے دل سے محبت جتائے کون
اپنا جو خود نہ ہو اسے اپنا بنائے کون
میری نگاہِ شوق پہ چھائے ہوئے ہو تم
جلووں کو خود حجاب بنائے ہوئے ہو تم

فانی بدایونی

ادا سے آڑ میں خنجر کے منہ چھپائے ہوئے
مری قضا کو وہ لائے دلہن بنائے ہوئے

کلیم عاجز

ترا سیدھا سا وہ بیان ہے تری ٹوٹی پھوٹی زبان ہے
ترے پاس ہیں یہی ٹھیکرے تو محل انہیں سے بنائے جا

کیف بھوپالی

وائے عاشق ناداں کائنات یہ تیری
اک شکستہ شیشے کو دل بنائے بیٹھا ہے