شکیب جلالی

چھلک چھلک کے بڑھا میری سمت نیند کا جام
پگھل پگھل کے گرے قفل قید خانوں کے

عرفان صدیقی

تیرے تن کے بہت رنگ ہیں جانِ من، اور نہاں دل کے نیرنگ خانوں میں ہیں
لامسہ، شامہ، ذائقہ، سامعہ، باصرہ سب مرے راز دانوں میں ہیں

رئیس فروغؔ

صحن دارالشفا میں رقص کریں
منجمد لوگ سرد خانوں کے

احسان دانش

اس نے احسانؔ کچھ اس ناز سے مڑ کر دیکھا
دل میں تصویر اتر آئی پری خانوں کی

ظہیر کاشمیری

وہ بھی متلاشی یک جلوۂ گم گشتہ ہیں
ہم نے نزدیک سے دیکھا ہے پری خانوں کو

علی سردار جعفری

ستم کی تیغ خود دستِ ستم کو کاٹ دیتی ہے
ستم رانو تم اب اپنے عزا خانوں میں آ جاؤ

حسرت موہانی

جلوۂ ساغر و مینا ہے جو ہمرنگ بہار
رونقیں طرفہ ترقی پہ ہیں مے خانوں کی

شکیل بدایونی

جام گردش میں ہے دربند ہیں مے خانوں کے
کچھ فرشتے ہیں یہاں روپ میں انسانوں کے

فراق گورکھپوری

اب ترا کام ہے بس اہلِ وفا کا پانا
اب ترا نام ہے بس عشق کے غم خانوں میں
اب وہ ساقی کی بھی آنکھیں نہ رہیں رندوں میں
اب وہ ساغر بھی چھلکتے نہیں مے خانوں میں