مرزا غالب

وضع نیرنگی آفاق نے مارا ہم کو
ہو گئے سب ستم و جور گوارا ہم کو

مصحفی غلام ہمدانی

بلے اے مصحفیؔ دیگر چہ گویم
ادائے موئے مانی کشت مارا
پریشاں کیوں نہ ہو جاوے نظارا
اس آرائش نے دل پر نقش مارا

فیض احمد فیض

تھے کتنے اچھے لوگ کہ جن کو اپنے غم سے فرصت تھی
سب پو چھیں تھے احوال جو کوئی درد کا مارا گزرے تھا

یگانہ چنگیزی

شبِ غم زہر ہی کھانے کا مزہ تھا ورنہ
انتظارِ سحر وصل نے مارا ہوتا
دل بے تاب کو کب وصل کا یارا ہوتا
شادی دولت دیدار نے مارا ہوتا

باقی صدیقی

جب گھیر کے بے کسی نے مارا
کوئی بھی نہ دے سکا سہارا

حفیظ جالندھری

شیخ کا خوف ہمیں حشر کا دھڑکا ہم کو
ساتھ ہی عشق کے آزار نے مارا ہم کو

احمد فراز

اک تم ہی فرازؔ نہ تھے تنہا اب کے تو بلا واجب آئی
اک بھیڑ لگی تھی مقتل میں ہر درد کا مارا اس دن تھا

فراق گورکھپوری

انگلیاں اٹھیں فراقؔ وطن آوارہ پر
آج جس سمت سے وہ درد کا مارا نکلا

کیف بھوپالی

کیفؔ وہ کل کا کیفؔ کہاں ہے آج میاں
یہ تو کوئی وقت کا مارا لگتا ہے