مرزا غالب

دشتِ وحشت میں نہ پایا کسی صورت سے سراغ
گردِ جولانِ جنوں تک نے پکارا ہم کو

یگانہ چنگیزی

دور سے ساغر و مینا کو کھڑا تکتا ہوں
دل کوئی رکھتا تو مجھ کو بھی پکارا ہوتا
دیکھتے رہ گئے یاسؔ آپ نے اچھا نہ کیا
ڈوبتے وقت کسی کو تو پکارا ہوتا

باقی صدیقی

خاموش ہیں اس طرح وہ جیسے
میں نے کسی اور کو پکارا
اس رطح خموش ہیں وہ جیسے
میں نے کسی اور کو پکارا

قمر جلالوی

کب میرا نشیمن اہلِ چمن گلشن میں گوارا کرتے ہیں
غنچے اپنی آوازوں میں بجلی کو پکارا کرتے ہیں

عرفان صدیقی

چاروں طرف گھٹی ہوئی چیخوں کا شور ہے
بول اے ہوا، کدھر سے پکارا گیا ہوں میں

مجید امجد

گم سم کھڑے ہیں اونچی فصیلوں کے کنگرے
کوئی صدا نہیں، مجھے کس نے پکارا تھا؟

شکیل بدایونی

مجھے آ گیا یقیں سا کہ یہی ہے میری منزل
سرِ راہ جب کسی نے مجھے دفعتاً پکارا

احمد فراز

جب تجھ سے ذرا غافل ٹھہرے ہر یاد نے دل پر دستک دی
جب لب پہ تمہارا نام نہ تھا ہر دکھ نے پکارا اس دن تھا

شاذ تمکنت

صرف خلوت کی ہے شوخی کہ ابھی تک اس نے
شاذؔ کہہ کر مجھے محفل میں پکارا بھی نہیں

قتیل شفائی

مرا تو صرف بھنور تک سفینہ پہنچا ہے
تجھے تو ڈوبنے والوں نے بھی پکارا نہیں