مرزا غالب

ہے مجھ کو تجھ سے تذکرۂِ غیر کا گلہ
ہر چند بر سبیلِ شکایت ہی کیوں نہ ہو

داغ دہلوی

رکھ دیا منہ پہ مرے ہاتھ شبِ وصل اس نے
بے حجابی کے لیے کام شکایت آئی

شیخ ابراہیم ذوق

کوئی ان تنگ دہانوں سے محبت نہ کرے
اور جو یہ تنگ کریں منہ سے شکایت نہ کرے

فیض احمد فیض

کیا کچھ نہ ملا ہے جو کبھی تجھ سے ملے گا
اب تیرے نہ ملنے کی شکایت نہ کریں گے

جون ایلیا

اب فقط عادتوں کی ورزش ہے
روح شامل نہیں شکایت میں

عرفان صدیقی

دل اگر دل ہے تو دریا سے بڑا ہونا ہے
سر اگر سر ہے تو نیزوں سے شکایت کیسی