مرزا غالب

وارستگی بہانۂِ بیگانگی نہیں
اپنے سے کر، نہ غیر سے ، وحشت ہی کیوں نہ ہو
عشق مجھ کو نہیں وحشت ہی سہی
میری وحشت تری شہرت ہی سہی

بہادر شاہ ظفر

گریباں چاک ہوں گاہے اڑاتا خاک ہوں گاہے
لیے پھرتی مجھے وحشت کبھی یوں ہے کبھی ووں ہے
کہوں میں جس سے اسے ہووے سنتے ہی وحشت
پھر اپنا قصۂِ وحشت کہوں تو کس سے کہوں

داغ دہلوی

تیری زلفوں کا اثر تجھ پر نہیں
دیکھتے ہی مجھ کو وحشت ہو گئی

جون ایلیا

تم مجھ کو اپنے رم میں لے جاؤ ساتھ اپنے
اپنے سے اے غزالو وحشت نہیں ہے مجھ میں

عرفان صدیقی

ریت پر تھک کے گرا ہوں تو ہوا پوچھتی ہے
آپ اس دشت میں کیوں آئے تھے وحشت کے بغیر
اب وہ بے تابی جاں کا ہے کی‘ وحشت کیسی
اس سے بچھڑے ہیں تو حاصل ہے فراغت کیسی

بیان میرٹھی

کھلا ہے جلوۂ پنہاں سے از بس چاک وحشت کا
میں ڈرتا ہوں کہیں پردہ نہ پھٹ جائے حقیقت کا
کہاں لے جائے گا یا رب سمند تند وحشت کا
کہ پیچھے رہ گیا کوسوں دوراہا نار و جنت کا
راس ہے چارۂ بالمثل مجھے
قید سے اور بھی وحشت ہوگی

حسرت موہانی

ہیں شادؔ و صفیؔ شاعر یا شوقؔ و وفاؔ حسرتؔ
پھر ضامنؔ و محشرؔ ہیں اقبالؔ بھی وحشتؔ بھی

رسا چغتائی

پھر محبت کا فلسفہ کیا ہے
یہ اگر سب لہو کی وحشت ہے

سیماب اکبر آبادی

نہیں تنہائی زنداں مکمل
مجھے سایہ سے وحشت ہو رہی ہے

فراق گورکھپوری

رسم و راہ دہر کیا جوشِ محبت بھی تو ہو
ٹوٹ جاتی ہے ہر اک زنجیر وحشت بھی تو ہو
دل کے افق تک اب تو ہیں پرچھائیاں تری
لے جائے اب تو دیکھ یہ وحشت کہاں کہاں

محسن نقوی

ذکر شبِ فراق سے وحشت اسے بھی تھی
میری طرح کسی سے محبت اسے بھی تھی

میرا جی

اب نہ وہ جوشِ تمنا باقی
اب نہ وہ عشق کی وحشت ہے مجھے

ناصر کاظمی

ہوتی ہے تیرے نام سے وحشت کبھی کبھی
برہم ہوئی ہے یوں بھی طبیعت کبھی کبھی