عرفان صدیقی

اے فکرِ سخن کیوں زرِ گل خاک سے لے آؤں
مضمون اگر کم ہوں تو افلاک سے لے آؤں

جمال احسانی

پرواز کو پر کھول نہیں پاتا ہوں اپنے
اور دیکھنے میں وسعت افلاک بہت ہے
کوزۂ دنیا ہے اپنے چاک سے بچھڑا ہوا
اور اس کے بیچ میں افلاک سے بچھڑا ہوا
اے زمیں زاد تری رفعتیں چھونے کے لیے
تجھ تلک میں کئی افلاک بدل کر آیا

اکبر معصوم

یہ گل جس خاک سے لایا گیا ہے
اسے افلاک سے لایا گیا ہے

ضیا جالندھری

کتنی دیر اور ہے یہ بزم طرب ناک نہ کہہ
راس آتی ہے کسے گردشِ افلاک نہ کہہ

ظہیر کاشمیری

مہر تغیر اس دھج سے آفاق کے ماتھے پر چمکا
صدیوں کے افتادہ ذرے ہم دوش افلاک ہوئے

ثروت حسین

قندیل مہ و مہر کا افلاک پہ ہونا
کچھ اس سے زیادہ ہے مرا خاک پہ ہونا

حفیظ جالندھری

ابھرے جو خاک سے وہ تہِ خاک ہو گئے
سب پائمال گردشِ افلاک ہو گئے

سیماب اکبر آبادی

کہہ دو وہ ستا کر مجھے بے فکر نہ بیٹھیں
میرے ہی لیے گردشِ افلاک نہیں ہے