عرفان صدیقی

شہاب چہرہ کوئی گم شدہ ستارہ کوئی
ہوا طلوع افق پر مرے دو بارہ کوئی

رئیس فروغؔ

کسی قدیم نگر کا کوئی نظارہ ملے
گزر گئی جو مری زندگی دو بارہ ملے

عالم تاب تشنہ

پھر چلا موسم وحشت میں سرِ مقتل عشق
قرعۂ فال مرے نام دو بارہ نکلا

عبید اللہ علیم

گزرو نہ اس طرح کہ تماشا نہیں ہوں میں
سمجھو کہ اب ہوں اور دو بارہ نہیں ہوں میں

محبوب خزاں

حسرت آب و گل دو بارہ نہیں
دیکھ دنیا نہیں ہمیشہ نہیں
بیکلی تار کستی جائے خزاںؔ
حسرت آب و گل دو بارہ نہیں

محسن نقوی

تیرے چہرے کی کشش تھی کہ پلٹ کر دیکھا
ورنہ سورج تو دو بارہ نہیں دیکھا جاتا