عرفان صدیقی

انہیں دیوارِ جاں ہی سے الجھنے دو کہ وحشی ہیں
اگر چھیڑا تو دیوارِ جہاں مسمار کردیں گے
وہ یہاں ایک نئے گھر کی بنا ڈالے گا
خانۂ درد کو مسمار کیا ہے اس نے

غلام محمد قاصر

رات بھر جاگ کے تعمیر کروں قصر امید
صبح تکمیل سے پہلے اسے مسمار کروں

افضل منہاس

یارو یہ زندگی کا مکاں بھی عجیب ہے
تعمیر ہو گیا کبھی مسمار ہو گیا

محسن احسان

زلزلوں نے کیا یوں شہر کو مسمار کہ بس
چیخ اٹھے خوف سے بام و در و دیوار کہ بس
مری طرح کی فراست ہے کس کے پاس کہ میں
جو شہر ہو گیا مسمار ڈھونڈنے نکلا
اپنا گھر جی کھول کر تاراج کرنا تھا کیا
اپنے ہاتھوں خود ہمیں مسمار ہونا تھا ہوئے