مرزا غالب

خلشِ غمزۂِ خوں ریز نہ پوچھ
دیکھ خوں نابہ فشانی میری
پس از مردن بھی دیوانہ زیارت گاہ طفلاں ہے
شرارِ سنگ نے تربت پہ میری گل فشانی کی

امام بخش ناسخ

ہے ابر تو کیا چاہے فلک کو بھی جلا دے
بجلی میں کہاں شعلہ فشانی مرے دل کی

مصحفی غلام ہمدانی

نطق زباں گر ہوتا مجھ کو پوچھتا میں تقصیر مری
ہاں یہ مگر دو آنکھیں ہیں سو ان سے اشک فشانی ہے
زخم ہے اور نمک فشانی ہے
دوستی دشمنی جانی ہے

مرزا رفیع سودا

جوں شمع مجھے شرم ہے زنار کی اے شیخ
مالا نہ جپوں رات کو بے اشک فشانی

اختر شیرانی

مری آنکھوں سے ظاہر خوں فشانی اب بھی ہوتی ہے
نگاہوں سے بیاں دل کی کہانی اب بھی ہوتی ہے
کوئی جھونکا تو لاتی اے نسیم اطراف کنعاں تک
سواد مصر میں عنبر فشانی اب بھی ہوتی ہے

بہزاد لکھنوی

فریاد ہے اب لب پر جب اشک فشانی تھی
یہ اور کہانی ہے وہ اور کہانی تھی

ثروت حسین

اور بھی ہیں روایتیں لیکن
اک روایت ہے خوں فشانی کی

حسرت موہانی

مری چشمِ خوں بار میں خوب رہ کر
بہار آپ نے گل فشانی کی دیکھی

امیر مینائی

چار موجوں میں ہماری چشمِ تر کے رہ گیا
ابرِ نیساں کو یہی تھا ڈر فشانی پر گھمنڈ

نوح ناروی

غریق بحر ستم نہ کیوں ہوں یہ جاں فشانی ہے اور ہم ہیں
کہ آپ ہیں آپ کی چھری ہے چھری کا پانی ہے اور ہم ہیں
پہنچ پہنچ کر فلک پر آہیں کریں نہ انجم میں کیوں اضافہ
کہ شام سے صبح تک شبِ غم شرر فشانی ہے اور ہم ہیں