مرزا غالب

قدر سنگ سرِ رہ رکھتا ہوں
سخت ارزاں ہے گرانی میری
بارہا دیکھی ہیں ان کی رنجشیں
پر کچھ اب کے سر گرانی اور ہے

امام بخش ناسخ

یہ بارِ غمِ عشق سمایا ہے کہ ناسخؔ
ہے کوہ سے دہ چند گرانی مرے دل کی

حیدر علی آتش

نہ خوش ہو فربہی تن سے غافل
سبک کرتی ہے مردے کو گرانی
کون سے غلہ کا دانہ تو اے دانۂِ خال
ہم نے ارزانی میں بھی پائی گرانی تیری

مصحفی غلام ہمدانی

اجل تو ہی سبک کر مجھ کو آ کر
دلوں پر میں گرانی کر رہا ہوں

مرزا رفیع سودا

یک خلق کی نظروں میں سبک ہو گیا لیکن
کرتا ہوں میں اب تک تری خاطر پہ گرانی

عرفان صدیقی

ہم کہاں قید میں رہ سکتے تھے لیکن ترا ہاتھ
ہے وہ زنجیر کہ احساس گرانی کا نہ ہو