مرزا غالب

گو واں نہیں، پہ واں کے نکالے ہوئے تو ہیں
کعبے سے ان بتوں کو بھی نسبت ہے د ور کی

مصحفی غلام ہمدانی

اے دل تو نہ کر ہماری خصمی
بس اک دلِ کینہ ور بہت ہے

میر انیس

شہید عشق ہوئے قیس نام ور کی طرح
جہاں میں عیب بھی ہم نے کیے ہنر کی طرح

شکیب جلالی

اس لیے اور بھی خاموش تھے ہم
اہلِ محفل نے سخن ور جانا

احسان دانش

خوشبو سے لدی بہار میں بھی
ہم درد سے بہرہ ور رہے ہیں

اسرار الحق مجاز

حسنِ خود پردہ ور ہے کیا کہیے
یہ ہماری نظر ہے کیا کہیے

علی سردار جعفری

یہ فاتحانہ غزل عصرِ نو کا ہے آہنگ
بلند و پست کو دیکھا ہے دیدہ ور کی طرح

جوش ملیح آبادی

پھر زندگی ہے غم کی امانت لیے ہوئے
ہر دولت نشاط سے پھر بہرہ ور ہیں ہم

حفیظ ہوشیارپوری

غم آفاق ہے رسوا غمِ دلبر بن کے
تہمتِ عشق لگی ہم پہ سخن ور بن کے

افضل منہاس

پوچھتا ہوں سب سے افضل کوئی بتلاتا نہیں
بے بسی کی موت مرتے ہیں سخن ور کس لیے

قتیل شفائی

انعام کے لالچ میں لکھے مدح کسی کی
اتنا تو کبھی کوئی سخن ور نہیں گرتا