مرزا غالب

گرمی سہی کلام میں، لیکن نہ اس قدر
کی جس سے بات اس نے شکایت ضرور کی

یگانہ چنگیزی

جب حسنِ بے مثال پر اتنا غرور تھا
آئینہ دیکھنا تمہیں پھر کیا ضرور تھا
چھپ چھپ کے غیر تک تمہیں جانا ضرور تھا
تھا پیچھے پیچھے میں بھی مگر دور دور تھا

باقی صدیقی

بے رخی کا گلہ کریں نہ کریں
دل کو صدمہ ضرور ہوتا ہے

جگر مراد آبادی

کوئی تو دردمند دلِ ناصبور تھا
مانا کہ تم نہ تھے کوئی تم سا ضرور تھا
ایسا کہاں بہار میں رنگینیوں کا جوش
شامل کسی کا خونِ تمنا ضرور تھا
جس دل کو تم نے لطف سے اپنا بنا لیا
اس دل میں اک چھپا ہوا نشتر ضرور تھا

عبدالحمید عدم

ہلکا ہلکا سرور ہے ساقی
بات کوئی ضرور ہے ساقی

عرفان صدیقی

ہم کو تو دلبر خوب ملا خیر اپنی اپنی قسمت ہے
پھر بھی جو کوئی رنج اٹھانا چاہے عشق ضرور کرے

بیخود بدایونی

ہزار شکر وہ عاشق تو جانتے ہیں مجھے
جو کہتے ہیں کہ ترا دل کہیں ضرور آیا

شکیل بدایونی

پردۂ رنگ و بو تو اٹھاؤ
ہو گا کوئی نہ کوئی ضرور

عزیز حامد مدنی

وہ اور اتنا پریشاں خاطر ربط غیر کی بات نہیں
لیکن اس کے چپ رہنے سے دل کو وہم ضرور رہا

فانی بدایونی

ہم کشتگان غم پہ یہ الزام زندگی
بے مہر کچھ تو پاس حقیقت ضرور تھا
بالیں پہ تم جب آئے تو آئی وہ موت بھی
جس موت کے لیے مجھے جینا ضرور تھا

شاذ تمکنت

مرے خدا میں کہاں جاؤں کس طرح ڈھونڈوں
مجھے پکار رہا ہے کوئی ضرور اب تک

قتیل شفائی

میں نکل کے بھی ترے دام سے نہ گروں گا اپنے مقام سے
میں قتیلؔ تیغِ جفا سہی مجھے تجھ سے عشق ضرور ہے

ناصر کاظمی

دل کی دھڑکن کہتی ہے
آج کوئی آئے گا ضرور

نوح ناروی

خدا سے ظلم کا شکوہ ضرور میں نے کیا
بڑا قصور یہ اے رشکِ حور میں نے کیا
وہ کریں گے مرا قصور معاف
ہو چکا کر چکے ضرور معاف
بے خودی میں جو ہو خطا ہم سے
کم سے کم وہ تو ہو ضرور معاف
پھر نہ تم بخشنا کبھی مجھ کو
پہلی تقصیر ہو ضرور معاف
ہے یہی کام اس کی رحمت کا
ہوں گے میرے گنہ ضرور معاف
خود یہ اقرار جرم کرتے ہیں
کیجیے نوحؔ کو ضرور معاف