مرزا غالب

غالب گر اس سفر میں مجھے ساتھ لے چلیں
حج کا ثواب نذر کروں گا حضور کی

مرزا رفیع سودا

توڑوں یہ آئنہ کہ ہم آغوش عکس ہے
ہووے نہ مج کو پاس جو تیرے حضور کا

باقی صدیقی

جو تمہارے حضور ہوتا ہے
وہ زمانے سے دور ہوتا ہے
میکدے سے حضور تک پہنچا
میرا قصہ بھی دور تک پہنچا
سرفرازی کی بات ہے ساری
یوں تو میں بھی حضور تک پہنچا

الطاف حسین حالی

اب باریاب انجمن عام بھی نہیں
وہ دل کہ خاص محرم بزم حضور تھا

شکیل بدایونی

دور ہیں وہ اور کتنی دور
پھر بھی مری نظروں کے حضور
شکوے ترے حضور کیے جا رہا ہوں میں
جو کچھ بھی ہو قصور کیے جا رہا ہوں میں

شاذ تمکنت

ادھر وفور محبت ادھر مروت تھی
جو کچھ کہا تھا بھلا دے ترے حضور اب تک

قتیل شفائی

کوئی بات دل میں وہ ٹھان کے نہ الجھ پڑے تری شان سے
وہ نیاز مند جو سر بہ خم کئی دن سے تیرے حضور ہے