مرزا غالب

ہم کوئی ترکِ وفا کرتے ہیں
نہ سہی عشق مصیبت ہی سہی

بہادر شاہ ظفر

بھری ہے دل میں جو حسرت کہوں تو کس سے کہوں
سنے ہے کون مصیبت کہوں تو کس سے کہوں

حیدر علی آتش

فرقت یار میں رو رو کے بسر کرتا ہوں
زندگانی مجھے کیا دی ہے مصیبت دی ہے

داغ دہلوی

وہ مصیبت سنی نہیں جاتی
جس مصیبت کو دیکھتا ہوں میں
خدا کرے نہ پھنسے دام عشق میں کوئی
اٹھائی ہے جو مصیبت کسی کو کیا معلوم

شیخ ابراہیم ذوق

دل سے کچھ کہتا ہوں میں مجھ سے ہے کچھ کہتا دل
دونوں اک حال میں ہیں رنج و مصیبت والے

خواجہ میر درد

لوگ کہتے ہیں عاشقی جس کو
میں جو دیکھا بڑی مصیبت ہے

قمر جلالوی

اصل کی امید ہے بے کار فرقت کے بغیر
آدم راحت نہیں پاتا مصیبت کے بغیر

رئیس فروغؔ

عشق افلاس گزیدہ کو مصیبت سمجھا
ہم بھی زردار بنے درد کو دولت سمجھا

احسان دانش

بحمد اللہ میں احسانؔ اس منزل پہ آ پہنچا
مصیبت جب نہیں ہوتی مصیبت ہوتی جاتی ہے

فراق گورکھپوری

راہِ طلب میں چھوڑ دیا دل کا ساتھ بھی
پھرتے لیے ہوئے یہ مصیبت کہاں کہاں

محبوب خزاں

کس نے کہا آپ سے میری مصیبت ہے کیا
اب یہ ندامت ہے کیوں اس کی ضرورت ہے کیا

محسن نقوی

محسنؔ میں اس سے کہہ نہ سکا یوں بھی حالِ دل
درپیش ایک تازہ مصیبت اسے بھی تھی