مرزا غالب

بساطِ عجز میں تھا ایک دل یک قطرہِ خوں وہ بھی
سو رہتا ہے بہ اندازِ چکیدن سر نگوں وہ بھی
نہ اتنا برشِ تیغِ جفا پر ناز فرماؤ
مرے دریائے بیتابی میں ہے اک موجِ خوں وہ بھی

حیدر علی آتش

بڑا شور سنتے تھے پہلو میں دل کا
جو چیرا تو اک قطرۂِ خوں نہ نکلا

شکیب جلالی

کن اندھیروں میں کھو گئی ہے سحر
چاند تاروں پہ مار کر شب خوں
موجِ صبا رواں ہوئی‘ رقصِ جنوں بھی چاہیے
خیمہِ گل کے پاس ہی‘ دجلہِ خوں بھی چاہیے

الطاف حسین حالی

دوست ہیں جب زخمِ دل سے بے خبر
ان کو اپنے اشکِ خوں سے کیا غرض

ضیا جالندھری

اب تو سرما کی شب بن کے ٹھٹھرے ہے خوں
اور کب تک تمہاری تمنا کروں
خشت کوبی میں کسے فرصت خوابِ خوباں
زندہ رہنے کے تقاضوں نے کیا زیست کا خوں
جا بہ جا حوصلے تاراج ہوئے دل ٹوٹے
پے بہ پے ہم نے سہے سرد ہوا کے شب خوں
تھاہ اس دل کی دیکھیں پہ دیکھیں تو کیوں
دیکھا جائے گا کیا اپنے خوابوں کا خوں

شان الحق حقی

موسمِ گل نہ سہی شغلِ جنوں اچھا ہے
ہمدمو! تیز رہے گردشِ خوں، اچھا ہے
وہ بھی کیا خون کہ ہو جبر کی بنیاد میں جذب
جو یوں ہی مفت میں بہہ جائے وہ خوں اچھا ہے

شکیل بدایونی

رہِ وفا میں کوئی صاحب جنوں نہ ملا
دلوں میں عزم تو پائے رگوں میں خوں نہ ملا

احمد فراز

تشنگی نے نگہِ یار کی شرمندہ کیا
دل کی اوقات نہ تھی قطرۂ خوں سے پہلے
رنگ گریہ نے دکھائی نہیں اگلی سی بہار
اب کے لگتا ہے کہ آمیزش خوں کچھ کم ہے
تم نے دیکھی ہی نہیں دشتِ وفا کی تصویر
نوک ہر خار پہ اک قطرۂ خوں ہے یوں ہے