مرزا غالب

پھر اس انداز سے بہار آئی
کہ ہوئے مہر و مہ تماشائی

امام بخش ناسخ

جس نے دیکھا تجھے اے یار ہوا دیوانہ
ہے تماشا ترے ہر ایک تماشائی کا

داغ دہلوی

ہو گیا پرتو رخسار سے کچھ اور ہی رنگ
میں نے منہ چوم لیا اس کے تماشائی کا

فیض احمد فیض

اس تن کی طرف دیکھو جو قتل گہِ دل ہے
کیا رکھا ہے مقتل میں، اے چشمِ تماشائی

قمر جلالوی

یہ نتیجہ ہو آخر جبل آرائی کا
بن گیا ایک تماشا سا تماشائی کا
طور پر طالبِ دیدار ہزاروں آتے
تم تماشہ جو نہ بناتے نہ تماشائی کا

عرفان صدیقی

ہم وہاں کیا نگہ شوق کو شرمندہ کریں
شہر کا شہر جہاں اس کا تماشائی ہو

الطاف حسین حالی

سات پردوں میں نہیں ٹھہرتی آنکھ
حوصلہ کیا ہے تماشائی کا
زیر برقع تو نے کیا دکھلا دیا
جمع ہیں ہر سو تماشائی بہت
جاں نثاری پر وہ بول اٹھے مری
ہیں فدائی کم تماشائی بہت

زہرا نگاہ

غم اپنے ہی اشکوں کا خریدا ہوا ہے
دل اپنی ہی حالت کا تماشائی ہے دیکھو

عبید اللہ علیم

جن میں ہم کھیل کر جوان ہوئے
وہی گلیاں ہوئیں تماشائی

احمد راہی

فسانے عام سہی میری چشم حیراں کے
تماشا بنتے رہے ہیں یہاں تماشائی

حفیظ جالندھری

جلوۂ حسن کو محروم تماشائی کر
بے نیازی صفت لالۂ صحرائی کر

خاطر غزنوی

اپنے ہی سایوں میں کیوں کھو گئیں نظریں خاطرؔ
تو کبھی اپنا تماشائی نہیں تھا اتنا

شبلی نعمانی

کون اس راہ سے گزرا ہے کہ ہر نقشِ قدم
چشم عاشق کی طرح اس کا تماشائی تھا

شکیل بدایونی

بن گیا بے خود نظارہ بہ الفاظ دگر
لاج رکھ لی ترے جلووں کی تماشائی نے

احمد فراز

اتنا بے صرفہ نہ جائے مرے گھر کا جلنا
چشمِ گریاں نہ سہی چشمِ تماشائی دے

قتیل شفائی

کیا عشق تھا جو باعث رسوائی بن گیا
یارو تمام شہر تماشائی بن گیا