مرزا غالب

کیا کیا خضر نے سکندر سے
اب کسے رہنما کرے کوئی

داغ دہلوی

رہبر خضر و ہادی الیاس
مجھ کو وہ رہنما دیا تو نے

جگر مراد آبادی

عشق لا محدود جب تک رہنما ہوتا نہیں
زندگی سے زندگی کا حق ادا ہوتا نہیں

عبدالحمید عدم

جب بغیر اس کے نہ ہوتی ہو خلاصی اے عدمؔ
رہزنوں کو رہنما تسلیم کر لیتا ہوں میں
اس لیے تنہا ہوں میں گرمِ سفر
قافلے میں رہنما موجود ہے

مصطفی زیدی

تری تلاش میں ہر رہنما سے باتیں کیں
خلا سے ربط بڑھایا ہوا سے باتیں کیں

الطاف حسین حالی

تھی جہاں کارواں کو دینی راہ
عشق کو رہنما کیا تو نے

احسان دانش

حقیقت در حقیقت بتکدے میں ہے نہ کعبہ میں
نگاہِ شوق دھوکے دے رہی ہے رہنما ہو کر

اسرار الحق مجاز

کوئی دل سا درد آشنا چاہتا ہوں
رہِ عشق میں رہنما چاہتا ہوں

بیان میرٹھی

چاہتے تھے شہود میں غیب کا رنگ دیکھنا
میری ز خویش رفتگی بن گئی رہنما کہ یوں

ظہیر کاشمیری

دل بھی صنم پرست نظر بھی صنم پرست
کس کی ادا سہو تو کسے رہنما کرو

ماجد صدیقی

ہر شخص رہنما ہے کسے رہنما کریں
صورت کوئی بنے تو سفر ابتدا کریں

تلوک چند محروم

حیراں کھڑا ہوا ہوں میں صحرائے عشق میں
یاور نصیب ہو تو کوئی رہنما ملے

سید ضمیر جعفری

ابھی کچھ دیر ہے شاید مرے مایوس ہونے میں
ابھی کچھ دن فریب رہنما کو دیکھتا ہوں میں

سیماب اکبر آبادی

اپنی منزل پہ ہم نہ پہنچے
جب تک رہی رہنما تمنا

فانی بدایونی

تلاش خضر میں ہوں رو شناس خضر نہیں
مجھے یہ دل سے گلہ ہے کہ رہنما نہ ملا

اکبر حمیدی

گو راہزن کا وار بھی کچھ کم نہ تھا مگر
جو وار کارگر ہوا وہ رہنما کا تھا