مرزا غالب

در پردہ انہیں غیر سے ہے ربطِ نہانی
ظاہر کا یہ پردہ ہے کہ پردہ نہیں کرتے

باقی صدیقی

یا کسی پردے میں گم ہو جاؤ
یا اٹھا کر کوئی پردہ دیکھو

احسان دانش

خاک کیوں ہوتا نہیں جل کر حصار آب و گل
یہ اگر سچ ہے ترے جلووں کا پردہ ہم بھی ہیں

بشیر بدر

دن حقیقت کا ایک جلوہ ہے
رات بھی ہے اسی کا پردہ کیا

عالم تاب تشنہ

میرے قصاص کا بھی ہوا ہے وہ مدعی
جو میرے قتل میں پسِ پردہ شریک تھا

اختر امام رضوی

پھر وہی دھند میں لپٹا ہوا پیکر ہوگا
کون بے کار میں اٹھتا ہوا پردہ دیکھے

شکیل بدایونی

آنکھ ان کو دیکھتی ہے نظارا کیے بغیر
پردہ میں چھپ گئے ہیں وہ پردہ کیے بغیر

شاذ تمکنت

سخن راز نشاط و غم کا پردہ ہو ہی جاتا ہے
غزل کہہ لیں تو جی کا بوجھ ہلکا ہو ہی جاتا ہے

محبوب خزاں

اچھے لگتے ہیں اچھے لوگ مجھے
جو سمجھتے ہیں ان سے پردہ نہیں