مرزا غالب

کبھی نیکی بھی اس کے جی میں ، گر آ جائے ہے مجھ سے
جفائیں کر کے اپنی یاد ، شرما جائے ہے مجھ سے
غیر کو یا رب وہ کیوں کر منعِ گستاخی کرے
گر حیا بھی اس کو آتی ہے تو شرما جائے ہے

مصحفی غلام ہمدانی

مصحفیؔ کے تئیں دیکھیں ہیں جو وہ کشتہ پڑا
پاس جاتے نہیں شرما کے چلے آتے ہیں

جگر مراد آبادی

جفا کرنے والوں کو کیا ہو گیا ہے
وفا کر کے بھی ہم تو شرما رہے ہیں

عبدالحمید عدم

بس انتہا ہے چھوڑیے بس رہنے دیجیے
خود اپنے اعتماد سے شرما گیا ہوں میں
توبہ کے ٹوٹنے کا بھی کچھ کچھ ملال تھا
تھم تھم کے سوچ سوچ کے شرما کے پی گیا