مرزا غالب

نقشِ نازِ بتِ طناز بہ آغوش رقیب
پائے طاؤس پئے خامۂِ مانی مانگے

امام بخش ناسخ

زلفوں میں کیا قید نہ ابرو سے کیا قتل
تو نے تو کوئی بات نہ مانی مرے دل کی

انشاء اللہ خان انشا

کیوں نہ عشق اللہ بولوں حضرتِ دل آپ کو
پیشواؤں نے بھی اپنی آن مانی آپ کی

حیدر علی آتش

کھینچتے اس غزال کی صورت
چوکڑی بھولتی ہے مانیؔ کی
عین احساں ہے مرے صفحۂِ دل پر مجھ کو
ایک تصویر اگر کھینچ دے مانیؔ تیری

داغ دہلوی

تم نہ شب کو آؤ گے یہ ہے یقیں آیا ہوا
تم نہ مانو گے مری یہ بات ہے مانی ہوئی

مصحفی غلام ہمدانی

حسن میں چہرہ اس گلِ تر کا
نقش رنگین کلک مانی ہے

فیض احمد فیض

بجز دیوانگی واں اور چارہ ہی کہو کیا ہے
جہاں عقل و خرد کی ایک بھی مانی نہیں جاتی

یگانہ چنگیزی

یار کی تصویر ہی دکھلا دے اے مانی مجھے
کچھ تو ہو اس نزع کی مشکل میں آسانی مجھے

جگر مراد آبادی

صداقت ہو تو دل سینوں سے کھنچنے لگتے ہیں واعظ
حقیقت خود کو منوا لیتی ہے مانی نہیں جاتی

قمر جلالوی

خدائی کی ہے یہ ضد اے بت یہ نادانی نہیں جاتی
زبردستی کی منوائی ہوئی مانی نہیں جاتی

اکبر معصوم

میں گنہ گار تمنا ہوں مجھے قتل کرو
دل تو ہارا ہے مگر ہار نہیں مانی ہے

جلیل مانک پوری

عجب دولتِ حسن پائی تھی دل نے
نہ مانی مری اک نہ مانی لٹا دی

جوش ملیح آبادی

کیوں لب التجا کو دوں جنبش
تم نہ مانوگے اور نہ مانی ہے