زہرا نگاہ

رات عجب آسیب زدہ سا موسم تھا
اپنا ہونا اور نہ ہونا مبہم تھا

ماجد صدیقی

وقت اک شعلۂ لرزاں ماجدؔ
زندگی ایک خیال مبہم

جوش ملیح آبادی

سمجھ میں آئیں کیا باریکیاں قانون قدرت کی
عبادت کثرت معنی سے مبہم ہوتی جاتی ہے

فانی بدایونی

جستجوئے نشاط مبہم کیا
دل میسر ہے لذتِ غم کیا

شاذ تمکنت

ازل سے تا بہ ابد کوشش جواب ہے شاذؔ
وہ اک سوال جو مبہم رہا ہے آنکھوں میں

فراق گورکھپوری

اک معمہ ہے زندگی اے دوست
یہ بھی تیری ادائے ‌ مبہم ہے