ضیا جالندھری

وقت بے مہر ہے اس فرصت کم یاب میں تم
میری آنکھوں میں رہو خواب مجسم کی طرح

جوش ملیح آبادی

فضا میں کانپتی ہیں دھندلی دھندلی نقرئی شکلیں
ہر اک تخیئل پاکیزہ مجسم ہوتی جاتی ہے

حفیظ ہوشیارپوری

کچھ بھی ہو پر ان آنکھوں نے اکثر یہ عالم بھی دیکھا
عشق کی دنیا ناز سراپا حسن کی دنیا عجز مجسم

فانی بدایونی

اک کفرِ سراپا نے کیا حشر کا قائل
میں معتقد حشر مجسم نہ ہوا تھا
ایک عالم کو دیکھتا ہوں میں
یہ ترا دھیان ہے مجسم کیا

شاذ تمکنت

وہ چھپ رہا ہے خود اپنی پناہ مژگاں میں
بدن تمام مجسم رہا ہے آنکھوں میں

فراق گورکھپوری

آگ میں جو پڑا وہ آگ ہوا
حسن سوزِ نہاں مجسم ہے