مرزا غالب

نہ ہو' حسنِ تماشا دوست' رسوا بے وفائی کا
بہ مہرِ صد نظر ثابت ہے دعویٰ پارسائی کا
دہانِ ہر ’’بتِ پیغارہ جو‘‘، زنجیرِ رسوائی
عدم تک بے وفا چرچا ہے تیری بے وفائی کا
نہ ہو حسنِ تماشا دوست رسوا بے وفائی کا
بہ مہرِ صد نظر ثابت ہے دعویٰ پارسائی کا

مصحفی غلام ہمدانی

میاں صبر آزمائی ہو چکی بس
ملو اب بے وفائی ہو چکی بس

مصطفٰی خان شیفتہ

دل لیا جس نے بے وفائی کی
رسم ہے کیا یہ دل ربائی کی

باقی صدیقی

جن پہ ہوتا ہے اعتبار وہی
وقت پر بے وفائی کرتے ہیں

جون ایلیا

اک عجب حال ہے کہ اب اس کو
یاد کرنا بھی بے وفائی ہے
با وفا ایک دوسرے سے میاں
ہر نفسِ بے وفائی کرتے ہیں

الطاف حسین حالی

صحبت گاہ گاہی رشکی
تو نے بھی ہم سے بے وفائی کی

بشیر بدر

مرے ہونٹوں کے پھول سوکھ گئے
تم نے کیا مجھ سے بے وفائی کی
اب ترستے رہو غزل کے لیے
تم نے لفظوں سے بے وفائی کی