مرزا غالب

پی جس قدر ملے شبِ مہتاب میں شراب
اس بلغمی مزاج کو گرمی ہی راس ہے

جگر مراد آبادی

اب کیا کروں میں فطرت ناکام عشق کو
جتنے تھے حادثات مجھے راس آ گئے

عرفان صدیقی

جو خواب میں نظر آتے تو چونک جاتا تھا
وہ حادثے مری آنکھوں کو راس کیسے ہوئے

احمد فراز

کہاں ہے اب غمِ دنیا، کہاں ہے اب غمِ جاں
وہ دن بھی تھے کہ ہمیں یہ بھی راس تھا وہ بھی

شاذ تمکنت

کیا کروں رنج گوارا نہ خوشی راس مجھے
جینے دے گی نہ مری شدتِ احساس مجھے

محسن نقوی

میں چپ رہا کہ زہر یہی مجھ کو راس تھا
وہ سنگ لفظ پھینک کے کتنا اداس تھا

ناصر کاظمی

ترے جلو میں بھی دل کانپ کانپ اٹھتا ہے
مرے مزاج کو آسودگی بھی راس نہیں
کل جنہیں زندگی تھی راس بہت
آج دیکھا انہیں اداس بہت