مرزا غالب

مشکیں لباسِ کعبہ علی کے قدم سے جان
نافِ زمین ہے نہ کہ نافِ غزال ہے

حیدر علی آتش

دکھانی تھی نہ تمہیں چشم سرمگیں اپنی
نگاہِ ناز سے وحشت زدہ غزال ہوا
جنوں میں عالم طفلی کی بادشاہت کی
کھلونا آنکھوں میں اپنی ہر اک غزال ہوا
وہ چشم ہی نہیں دلِ وحشی کی فکر میں
ہر ترک کو ہے شوق شکار غزال کا

مصحفی غلام ہمدانی

آنکھوں سے گر کرے وہ زلفوں کو ٹک اشارہ
آویں چلے ہزاروں وحشی غزال باندھے
جس سبزۂِ مرغزار میں تھا
رقصندہ مرا غزال دن رات

مرزا رفیع سودا

تارِ نگہ میں اس کے کیونکر پھنسے نہ یہ دل
آنکھوں نے جس کے لاکھوں وحشی غزال باندھے

جون ایلیا

سایۂ ذات سے بھی رم عکس صفات سے بھی رم
دشت غزل میں آ کے دیکھ ہم تو غزال ہو گئے
جونؔ دل کے ختن میں آیا ہے
ہر غزل اک غزال کی ہو گی

عرفان صدیقی

چار طرف رمیدہ خو، پائے ہوا، صدائے ہو
میرے بغیر لکھنٔو، دشت غزال کے بغیر
کچھ اسی دشت پہ موقوف نہیں تیرِ ستم
زندگی ہے تو ہدف ہوں گے غزال اور کہیں
تیر سہی‘ زنجیر سہی‘ پر ہوئے بیاباں کہتی ہے
اور بھی کچھ وحشت کے علاوہ شاید پائے غزال میں تھا
یہاں بھی اس کے سوا اور کیا نصیب ہمیں
ختن میں رہ کے بھی چشمِ غزال ہی کے تو ہیں
وہاں بھی اس کے سوا اور کچھ نصیب نہ تھا
ختن سے نکلے تو چشمِ غزال سے بھی گئے