مرزا غالب

دور چشمِ بد تری بزمِ طرب سے واہ واہ
نغمہ ہو جاتا ہے واں گر نالہ میرا جائے ہے

داغ دہلوی

محشر میں داد خواہ جو اے دل نہ تو ہوا
تو جان لے یہ باتھ سے میرا پھر گیا

مصحفی غلام ہمدانی

لب سوفار میں سرخی کہاں سے اس کے آئی ہے ؟
جو تیرا تیر پیارے خونِ دل میرا نہیں پیتا

مصطفٰی خان شیفتہ

بے نقط مجھ کو سناؤ گے جو دیکھو گے ستم
آپ عاشق تو ہوئے ہیں شوق میرا دیکھ کر

مومن خان مومن

گھر میں بیٹھے تھے کچھ اداس سے وہ
بولے بس دیکھتے ہی میرا منہ
کیا کیا نہ کہے غیر کی گر بات نہ پوچھو
یہ حوصلہ میرا ہے کہ میں کچھ نہیں کہتا

شکیب جلالی

اوس کی بوندوں میں بکھرا ہوا منظر جیسے
سب کا اس دور میں یہ حال ہے ، میرا ہی نہیں

عالم تاب تشنہ

میرے خلاف ہے وہ گواہی میں پیش پیش
منصوبہ بندیوں میں جو میرا شریک تھا

حفیظ جالندھری

اے مری جان اپنے جی کے سوا
کون تیرا ہے کون میرا ہے

رسا چغتائی

سرِ دامان صحرا کھل رہا ہے
مگر وہ پھول جو میرا نہیں ہے

شکیل بدایونی

ہوں زندہ اک مرقع میں صورت آفریں کا
دنیا شکیلؔ میرا افسانہ کہہ رہی ہے

ناصر کاظمی

تجھ بن ساری عمر گزاری
لوگ کہیں گے تو میرا تھا
تیرا قصور نہیں میرا تھا
میں تجھ کو اپنا سمجھا تھا