مرزا غالب

ہے آرمیدگی میں نکوہش بجا مجھے
صبحِ وطن ہے خندۂِ دنداں نما مجھے
نہ کہیو طعن سے پھر تم کہ ہم ستمگر ہیں
مجھے تو خو ہے کہ جو کچھ کہو بجا کہیے

انشاء اللہ خان انشا

اے نہ آواز سناویں مجھے در تک آ کر
اپنے پاؤں کے کڑوں کو تو بجا سکتے ہیں

بہادر شاہ ظفر

جس کی تجھ کو جستجو ہے وہ تجھی میں ہے ظفرؔ
ڈھونڈتا پھر پھر کے تو پھر جا بجا کیا چیز ہے

داغ دہلوی

وہ بھی سن لیں گے یہ کبھی نہ کبھی
حالِ دل سب سے جا بجا کہیے

شیخ ابراہیم ذوق

بجا کہے جسے عالم اسے بجا سمجھو
زبانِ خلق کو نقارۂِ خدا سمجھو

مصطفٰی خان شیفتہ

اس قوم کی سرشت میں ہے کم محبتی
شکوہ جو اس سے تھا مجھے ہرگز بجا نہ تھا

عرفان صدیقی

جسم میں میرا لہو درویشِ گرداں کی طرح
لحظہ لحظہ پائے کوبی جا بجا کرتا تھا رات

الطاف حسین حالی

حرم آباد اور دیر خراب
جو کیا سب بجا کیا تو نے

بیخود بدایونی

وہ جو کر رہے ہیں بجا کر رہے ہیں
یہ جو ہو رہا ہے بجا ہو رہا ہے

جوش ملیح آبادی

انکھڑیاں جلد جلد جھپکا کر
سرخ ڈورے بجا رہا ہے یہ کون
تہ بہ تہ کر کے بیچ کی انگلی
بند مٹھی بجا رہا ہے یہ کون

حسرت موہانی

بسکہ نظارہ سوز تھا وہ جمال
ہوش نظارگی بجا نہ رہا

احمد فراز

تو کہ یکتا تھا بے شمار ہوا
ہم بھی ٹوٹیں تو جا بجا ہو جائیں
میں چپ ہوا تو وہ سمجھا کہ بات ختم ہوئی
پھر اس کے بعد تو آواز جا بجا تھی مری
خیالِ یار کا بادل اگر کھلا بھی کبھی
تو دھوپ پھیل گئی جا بجا اداسی کی

ناصر کاظمی

میں ہوں رات کا ایک بجا ہے
خالی رستہ بول رہا ہے