مرزا غالب

جو یہ نسبت پسندِ خاطرِ والا نہ ہو تو پھر
اسے قندیلِ کعبہ، اس کو کعبے کی ردا سمجھے

مصحفی غلام ہمدانی

مژدہ اے حسرت نظارہ کہ واں
گرد چلمن کے ردا بندی ہے

عرفان صدیقی

زیرِ قدم تھی دور تلک خاک ناسپاس
سر پر کچھ آسماں کی ردا کے سوا نہ تھا
غربت کی دھول، کیسے کسی کو دکھائی دے
میرے برہنہ سر کی ردا ہو گئی ہے شام
سر برہنہ بیبیوں کے بال چاندی ہو گئے
خیمے پھر استادہ کب ہوں گے ردا کب آئے گی
کس نے بھیجا ہے غبار شبِ ہجرت ہم کو
کیا خبر اپنے سروں پر یہ ردا کس کی ہے

الطاف حسین حالی

ہے ردائے نیک نامی دوش پر اپنے مگر
داغ رسوائی کے کچھ زیر ردا پاتے ہیں ہم

آنس معین

سب لوگ سوالی ہیں سبھی جسم برہنہ
اور پاس ہے بس ایک ردا دیں تو کسے دیں

ماجد صدیقی

جو میرے سر پہ ٹھہرتا تلک نہیں ماجدؔ
میں ایسے ابرِ گریزاں کو کیوں ردا مانوں

اختر ہوشیارپوری

ان بارشوں میں کون بہے خار و خس کے ساتھ
سورج کی لے کے سر پہ ردا عمر بھر رہا

احمد فراز

چلی ہے شہر میں کیسی ہوا اداسی کی
سبھی نے اوڑھ رکھی ہے ردا اداسی کی

ناصر کاظمی

جب نکلتی ہے نگار شبِ گل
منہ پہ شبنم کی ردا ہوتی ہے