مرزا غالب

درد سے میرے ہے تجھ کو بے قراری ہائے ہائے
کیا ہوئی ظالم تری غفلت شعاری ہائے ہائے

انشاء اللہ خان انشا

روٹھ کر اس سے میں جو کل بھاگا
ناگہاں دل کی بے قراری میں

بہادر شاہ ظفر

ٹکڑے ٹکڑے ہو کے اڑ جائے گا سب سنگ مزار
دل میں بعد از مرگ کچھ گر بے قراری رہ گئی

مصطفٰی خان شیفتہ

غمزہ ہائے دوست بعد از مرگ بھی نظروں میں ہیں
وہمِ راحت سے عدو کو بے قراری ہے عبث

مومن خان مومن

ہوئی تاثیر آہ و زاری کی
رہ گئی بات بے قراری کی
ہو نہ بیتاب ادا تمہاری آج
ناز کرتی ہے بے قراری آج

میر مہدی مجروح

نہ وہ نالوں کی شورش ہے نہ غل ہے آہ و زاری کا
وہ اب پہلا سا ہنگامہ نہیں ہے بے قراری کا

جون ایلیا

بے قراری سی بے قراری ہے
وصل ہے اور فراق طاری ہے
ہے سینے میں عجب اک حشر برپا
کہ دل سے بے قراری جا رہی ہے