مرزا غالب

پوچھے ہے کیا وجود و عدم اہلِ شوق کا
آپ اپنی آگ کے خس و خاشاک ہو گئے

مصطفٰیٰ خان شیفتہ

ماسوا اللہ نہ رہے شیفتہؔ ہرگز دل میں
خسروی کاخ سزائے خس و خاشاک نہیں

عرفان صدیقی

بس یوں ہے کہ کچھ گرمی محفل کا نہیں شوق
میں آگ تو اپنے خس و خاشاک سے لے آؤں

جمال احسانی

آنکھوں میں ہیں محفوظ ترے عشق کے لمحات
دریا کو خیال خس و خاشاک بہت ہے
آنسوؤں سے نہ بدل پایا رخ باد جمالؔ
پر مزاج خس و خاشاک بدل کر آیا

اکبر معصوم

یہاں کتنوں نے دیکھا ہے جو طوفاں
خس و خاشاک سے لایا گیا ہے

ضیا جالندھری

درد کی آنچ ابد تک ہے کسی روپ میں ہو
آج کے پھول کو آئندہ کے خاشاک نہ کہہ

ثروت حسین

لے آئے گا اک روز گل و برگ بھی ثروتؔ
باراں کا مسلسل خس و خاشاک پہ ہونا

سیماب اکبر آبادی

انجام ہر اک شے کا بجز خاک نہیں ہے
کیا ہے جو یہ عالم خس و خاشاک نہیں ہے

احمد فراز

ایسی نفرت تھی کہ اس شہر کو جب آگ لگی
ہر بگولہ خس و خاشاک پہن کر نکلا