مرزا غالب

اہلِ ہوس کی فتح ہے ترکِ نبردِ عشق
جو پاؤں اٹھ گئے وہی ان کے علم ہوئے

انشاء اللہ خان انشا

دیکھا میں ساتھ ڈھول کے سولی پر ان کا سر
فخریہ وہ جو پھرتے تھے طبل و علم کے ساتھ

فیض احمد فیض

جس دھجی کو گلیوں میں لیے پھرتے ہیں طفلاں
یہ میرا گریباں ہے کہ لشکر کا علم ہے

عرفان صدیقی

زیاں کی راہ میں اگلا قدم اٹھاتا ہوں
میں پھر سے گمشدگاں کے علم اٹھاتا ہوں

عالم تاب تشنہ

پہلے لہولہان کیا ہم کو شہر نے
پھر پیرہن ہمارے علم کر دیے گئے

شان الحق حقی

رہتی ہے کسی اور طرف آس نظر کی
ہیں وقت کے ہاتھوں میں علم اور طرح کے

ناصر کاظمی

یہ محلاتِ شاہی تباہی کے ہیں منتظر
گرنے والے ہیں ان کے علم صبر کر صبر کر