رواں ہوں، ہمرہِ صد کارواں ہوں

کسی دستِ گل اندوزِ حنا میں

کسی کف پر خراشِ خارِ محنت

کوئی آگے رواں ہے کوئی پیچھے

تڑپتا تلملاتا جا رہا ہے

وہی مجبوریِ افتادِ مقصد

مرے ہر گامِ ناہموار میں ہے

امیدوں کے سنہرے جال بن کے

فضائے زندگی کی آندھیوں سے

مجھے چل کر، اسے اڑ کر گزرنا

کہ چوراہے کے کھمبے کو پکڑ لے

یہ پھیلا پھیلا، میلا میلا دامن

میرا دفتر، میری مسلیں، میرا میز

جسے جزداں بھی اک بارِ گراں ہے

شریکِ کاروانِ زندگانی!

جوان و پیر کے پاؤں میں زنجیر!

دکاں پر پان کھانے آ گئی ہے

ہے اس میں مجھ میں کتنا فرق! لیکن

کہ آنے والی شب کیسے کٹے گی!

غبارِ رہ نے کروٹ بدلی، جاگا

پیاپے ٹھوکروں کا یہ تسلسل

متاعِ زیست اس کی بھی، مری بھی

گلوں کا رس، شرابوں سا نشیلا

کسی سڑتے ہوئے جوہڑ کے اندر

مگر مقصد وہی دو سانس جینا

نظامِ زیست کا دریائے خونناب

کہ جس کی رو میں بہتا جا رہا ہے

کلھاڑی بھی، درانتی بھی، قلم بھی!

رواں ہوں ہمرہِ صد کارواں ہوں