حسن تہذیب کا آئینۂ خوبی ۔۔۔ بازار

جس کے دو رویہ، پر آشوب کمیں گاہوں میں

راہگیروں کی نگاہوں کو صدا دیتی ہے

کچکچاتے ہوئے کیچڑ کو کچوکے دیتی۔۔۔

کھیلتے بولتے انبوہ اور آموں کی دکاں!

آم! ہاں جن کی غریبُ الوطنی کی سوغات

آم ہی آم ہیں! اور ان کے سواِ کچھ بھی نہیں

جھیل کے تٹ پہ گھنی چھاؤں میں جو گونجا کی

سینۂ وقت سے پھوٹی ہوئی موجِ الہام

اب یہی رہ گئیں انسان کے ماتم کے لیے

لوگ، بن گٹھلیوں کے ، پچکے ہوئے ، چھلکوں سے

آہ! ساون کا وہ امرت، جو امر رس نہ رہا

نانبائی کی دکاں جس کے چراغوں کی چمک

سینکڑوں بھوک کے مارے ہوئے پروانوں کو

یہ کتلیوں میں شپاشپ، یہ تووں پر تڑتڑ

یہ’’اٹکتے ہوئے ‘‘ لقمے ، یہ ’’پھڑکتے ہوئے ‘‘ گھونٹ