یہ محافظ، تہہِ محراب عصا تھامے ہوئے

اسی گرتی ہوئی دیوار کا اک حصہ ہیں!

یہ چمن بند، جو گزرے ہوئے سلطانوں کی

گھاس کٹتی ہے کہ دن ان کے کٹے جاتے ہیں

صبح ہوتے ہی جو چن چن کے اٹھا پھینکتے ہیں

کہنہ زینوں میں پڑی، تیرہ دریچوں میں پڑی!

چند لوگ اپنی ترنگوں میں مگن بیٹھے ہیں

ڈوب جاتا ہے پیالوں میں دھواں سلفوں کا

جن کی ہر جدولِ گل پیچ کے الجھاؤ میں

اس جگہ آج سحرخیز مریض آویزاں

دودھیا برج، درختوں کے گھنے جھنڈ میں گم

رینگتی روحوں سے آباد گناہوں کے دیار!

یہ جھروکا کہ جو راوی کی طرف کھلتا ہے

ہر گزرتی ہوئی گاڑی سے دھواں مانگتا ہے !

ان کی شاخیں ہیں کہ آفاق کے شیرازے ہیں

ان کے سائے ہیں کہ ڈھلتی ہوئی تہذیبیں ہیں

کوئلیں، امریاں، جھونکے ، روشیں، فوارے

مرمریں قبر کے اندر، تہہِ ظلمات کہیں

کوئی دیکھے ، کوئی سمجھے تو اس ایواں میں جہاں

ہے تو بس ایک دکھی روح کی گنجائش ہے

قہقہے جشن مناتے ہوئے نادانوں کے

مرقدِ شاہ کے مینار لرز جاتے ہیں!