دن تو جیسے بھی ہوں۔۔۔ آخر اک دن

دیکھو۔۔۔ سوچو۔۔۔

اس پیچاک سے نچڑا ہوا وہ گیہوں، جو، زیتون کا رس تو ویسا ہی تھا

جب یہ سر فرعونوں کے آگے جھکتے تھے ، تب بھی

اور اب بھی جب ہم نے مستقبل کا سارا بوجھ اپنے شانوں پر بانٹ لیا ہے

فرعونوں کی خدائی میں بھی بندے پتل بھات سے بھر لیتے تھے

تو کیا صرف ہمیں سچے ہیں؟

یوں تو آج ہم ان پہ ترس کھاتے ہیں

لیکن کیا اس بات کی ان کو خبرتھی ۔۔۔

اس دنیا میں جو کچھ بھی ہے ، اس کا حاصل تو وہ سچائی ہے جس کو

پھر کیوں یہ سب دریا، چہروں، کھوپڑیوں کے دریا، ان گلیوں میں بہتے ہیں

ان گلیوں، ان دہلیزوں تک بہتے آتے دریا

لہریں جن پہ بھنور ہیں ۔۔۔ لہو کی مہریں

آخر سچ کے تٹ پر کون اترا ہے ۔۔۔؟

میں سچ کہتا ہوں، سوچو!