چھٹی کے دن گھر سے تو وہ اس کارن نکلا تھا

اور پھر آ کر ترشے ہوئے کرداروں کے میلے میں گھومے ۔۔۔

اس میلے کے باہر تو وہ اپنے آپ سے بھی چھپتا تھا

اس کے سان گمان میں بھی یہ بات نہیں تھی، یوں میں اک دن، اتنے قریب سے

میلے ڈھیلے گول مسام بھی دیکھ سکوں گا

میں ہی اس کے اصلی روپ کو دیکھ کے سہم گیا تھا

یہ سوچا اور اس سے رخصت چاہی

میں نے اس کو پایا سارے حربوں سے مسلح

جیسے وہ بس کاٹھ کی روٹی اور پرنور خیالوں پر زندہ ہو