اس دائم آباد محلے … اس اینٹوں کے ابد میں

ان کی نمود اور ان کی نمو سے میری پلکوں میں ٹھنڈی ٹھنڈی سوجن ہے

کتنے اچھے تھے وہ میرے گزرے دن جو اب ان عمروں میں ہیں

اک دن میرے نہ ہونے میں ہوں گی

اک یہ خیال آتے ہی میں نے اپنے گھر کی طرف دیکھا ہے

جیسے آج نقابوں میں یہ نظریں، بجلی کے ریشوں سے بنی ہوئی یہ خانے دار کمندیں

ویسے ہی کل بھی شاید یہ نظریں اک بار اٹھیں ان اینٹوں کی جانب

گارے کے گرداب میں ہو گا

اس دنیا کو دیکھنے میں جو دکھ ہیں، جو ارمان ہیں، یہی تو عمروں کا حاصل ہیں