وہ تلوار ابھی تو اک فولادی خواب ہے تیرے ذہن کی ان تھک کارگہوں میں

تیرے دل کی نیام میں ڈھل جائیں گے

لیکن اس دن کے آنے تک۔۔۔ ابھی تو کچھ دن۔۔۔

اپنے دامن میں کیچڑ کے ان پھولوں کو لے کر چلنا ہو گا

نیلی ٹین کی یہ چھت کڑکے گی اور سہما سہما وجود پچک جائے گا

ایسے میں تو گہری بنیادوں والے اک سانس کے بل پر ہی تو

لیکن ابھی تو سب کچھ اک فولادی خواب ہے تیرے ذہن کی ان تھک کارگہوں میں

ابھی تو سب کچھ ہو سکتا ہے ۔۔۔

شاید اپنے جی کے اسی جیالے پن میں تو جی بھی لے