جیسے میں ہی تو ہوں اپنے ہر سپنے میں

نیندوں کے اندر بھی، نیندوں کے باہر بھی، جو جو سمے گزرتے ہیں وہ میرے

دنیا کا ہر اک دن میرے ذہن میں ڈھل کر اک اور دن ہے

رات کو نیندوں میں کچھ اچھے اچھے لوگ ملے تھے ، انھی چھتوں کے نیچے

دن کو میرے جاگنے میں کچھ اور ہی میلی میلی روحیں میرے ساتھ رہی ہیں

کیسے کیسے نگر ہیں جو تیرے روز و شب کے پھیرے میں پڑتے ہیں

آج تو جب سے جاگا ہوں، اپنی بابت اتنا کچھ سمجھ سکا ہوں

مر بھی چکا اب، اپنی نیندوں میں جینے کی خاطر