میرے اپنے ظلم اور میرے اپنے کفر کے آگے ، مجھ میں یہ جو عاجزیاں ہیں

میں نے چاہا تھا ان عاجزیوں کی جگہ پر اک سنگین طمانیت کو اپنے سینے میں رکھ

میں نے کچھ یہ مہم سر کر بھی لی تھی

پھر کالی سی اک برگشتگی میرے ذہن میں چکرائی ہے

میرے مردہ دنوں کی کھوپڑیوں سے ظلم اور کفر کی میٹھی نظروں نے پھر سے

بیتے دنوں والا یہ چہرہ۔۔۔

ان آنکھوں کو اپنے جذب اور اپنی کشش کا علم ہے ، اور ان کے اس علم کے آگے

اس طغیان کے آگے اب پھرعاجز ہوں

مجھ سے پوچھو۔۔۔ اپنی غرقابی کے اس احساس کی سطحیں بھی کتنی دلکش ہیں