بندے ، جب تو اپنی سوچ میں کوشاں ہوتا ہے اس زندگی کے لیے

ٹھنڈے میٹھے پانی

اینٹوں کی عشرت میں نئی قمیصوں کی طناز کریزیں

نئے نئے چمکیلے دکھوں سے بھر جاتی ہیں

جس کی روشنیوں پر تیرے دل کے اندھیروں کا سایہ ہے

تو دیکھے تو آگے تجھ کو زمانے کا وہ ان دیکھا دور دکھائی دے گا

کیا تو انھی دنوں کی زنجیروں کو پھر سے پہن لینے پر آمادہ ہے ؟

لرزا دینے والے دھیان ان دنوں کے جب لاکھوں لوگوں نے اندھیری

اپنے آنسوؤں میں گوندھا تھا

نہیں نہیں ۔۔۔ میرا یہ بدن تو میرا بدن ہے جو اس مٹی ہی کے لیے تھا