نا بھئی، اب ہم پھر نہ کہیں گے بات یہ جینے مرنے کی

وہ تو جیتے جی، خود جی سے گزرتی سوچ کی کروٹ تھی

یونہی ذرا کچھ اپنے آپ سے روٹھ کے ہم نے دیکھا تھا

ہونے اور نہ ہونے کے اس الجھیڑے میں کون پڑے

اک نظر ہم اپنی شکم سیر آنکھوں سے بھی دیکھیں تو

صرف اک سورج سے ہے ، وہ بھی تمہارے چہرے کا سورج

مٹی جسم ہے ، مٹی نور ہے ، مٹی وقت کا ریلا ہے

سانسیں، عمریں، قدریں۔۔۔ سب کچھ سکے ، پہیے ، چربی، ماس

سب کچھ ایک خنک سا جھونکا، تمہارے رخ کے پسینے پر

بھائی، کل کیا ہو گا ۔۔۔ کل جب بیگھے خون میں بھیگ گئے