مطلب تو ہے وہی ۔۔۔ تم چاہے برف کے بلاکوں سے اک بھرے ہوئے رہڑے کو کھینچو۔۔۔

اور اب تھم کے ، آگے رستہ صاف ہے ، عینک کے گیلے شیشوں کو پونچھو ۔۔۔ چلو ۔۔۔ چلو)

دونوں صورتیں، ایک ہی بات

عدل کی چکی پیسنی ہے اور عدل کی چکی میں خود بھی پسنا ہے

اپنے جتنوں میں تم جن رتنوں کو ڈھونڈ رہے ہو، جانے کن پتنوں کے پار ملیں گے

جسموں کی سوجی ہوئی لہروں کا فرش اس دریا پر ٹوٹتا جڑتا رہے گا

اک لب بستہ چہرہ

سوچے گا: تم اس کی جانب کب دیکھو گے !

اپنے دردوں میں بہہ جائے گی یہ جان کے : تم امداد کو آ نہ سکو گے

اک یہ ڈر ہی تو وہ تمھاری قوت ہے ، تم جس پہ بھروسا کر سکتے ہو

ورنہ برف کے لفظوں میں سب آگ پگھل جائے گی