اے ری صبح کی اجلی زرق برق گزرگاہوں پر چیختی، اڑتی، بے بس خوشبو

تو نے یہ تو دیکھا ہوتا، تیرا نظر نہ آنے والا بدن کن کن بدنوں پہ لباس ہے

اس طرح اب جن پیرہنوں نے تجھ کو جھٹک دیا ہے

کیسی ہیں یہ سپردگیاں جن میں سچ کی رمزوں کی پسپائی ہے

ان سے ڈھکے ہوئے جثوں میں پل پل کیسے تریڑے پڑتے ہیں اس زرد لہو کے

اے اس دنیا کی اچھائیوں کے تت ست میں پنپنے والی روحوں کی روح

جہاں وہ مہکتے پھول نہیں کھلتے جو دوزخوں کی ٹھنڈک ہیں